جربت تحلم
جربت تحلم والشمس طالعة فى وضح النهار
ورسمت اشواق وقصور للغرام وقبل ماتكتمل تنهار
ولقيت حياتك بعد اجمل حلم تنقلب لمرار
ده حلم القلوب المخلصة تروي بمحبة وتحصد م المرار انهار
تزرع وسط الدمار ازهار وتجني من الثمر صبار
تحضن تلملم تحتوي والصدق ليها شعار
وبعد الحضن بتنكو ي وكأنها حضنت لهيب النار
ياقلبىي ياللي زرعت سكتك من الحنان اشجار
وجعلت من وريدي مخدتك لتسعد الزوار
مش تبقى دي اخرتك يرحل حمام الدار
وتبات على دمعتك والحلم يبقى دمار
بقلمى فهمى محمود حجازى
الاثنين، 28 يناير 2019
مجلة ملتقى الشعراء والأدباء//جربت تحلم //بقلم المبدع فهمى محمود حجازى
الاشتراك في:
تعليقات الرسالة (Atom)
ليست هناك تعليقات:
إرسال تعليق