مضيوم صـدر الحُــر عبيسأل أخـوه
ويــن القلـم يا صاحبي حبرو نـقـــع
رد الصديق بضيق للواقع هَـــــــدوه
حبرو وجــــع وبْريشتو ظُلم وفجــع
رح جاوبك ويـــن اختفى أو ضيَّعوه
يــا صاحـــبي دام بســــؤالك مُنتَفـع
هٰذا سؤال وفـــي إلـو عـــدة وجـوه
مـزيـفــه بالحُـب معـجونـه بَـشَـــــع
سهــــل الســؤال وصعب عالِّبيسألوا
مابيسألوا إلا إللي فـي عنـده وجــع
شوف الحقيقه مرَّه كم صادق أذوه
ضاعت مبادئ مهنته بأيـــــد التّـبـع
بـعـد القلـم موجود بس إللي خفوه
أهل السياسه والحكم وأهـل الطمع
كرمال مـآ يضل القلـم صادق رمـوه
خلــف السِّياج وسكرو بـاب السمــع
كـل إللي فــي إلهم مصالح جرهموه
مـات الضمير الحـر وتسامى الجشع
حـبـر الـقلـم ألــوان عرفــو يصنِّعوه
لـولا الهـدف مـآ كـان بالآصل انصنع
أســود قلـم أسفـاه أصقاع الوجــوه
بتضحك إلك وبداخِله الحقد انجمع
بالمختصر مليون حجه للقلم ليتوه
بـِوقت فـيــه الكــل فايـت عالطمـع
ضاع القلم بس وين لاء يمكن نسوه
او فــي حــدا أكثر إلــو يمكن دفـع
بالمال مــات الحق والقاضي رشوه
عــن نُصرةُ المظلوم جلساته رَفـــع
هيك القلم بيكون عـن بكرة أبـــوه
موجود بـس بإيــــد تُجّــار الهلـــع
(بقلمي ــ فريد سلمان الصفدي)
(الأربعاء ــ ٤ ــ آب ــ ٢٠٢١م)
ليست هناك تعليقات:
إرسال تعليق