صباح الشروقي
==
يللي عيونك بدون الكحل مكحولين
الليل منهم سرق يا بنت عتماتو
وشعرك خيوط الذهب ع قزاز مصفوفين
منهم الجوهر اخذ لونو ولمعاتو
الوجه ضاوي قمر بالليل ع التكوين
ما بجامل وصدقي ن قلت القمر ذاتو
وتفاح شامي خدودك يا ضباء العين
وشفاف منها النحل بجني لعسلاتو
صوتك كناي القصب بشفي المحزونين
لما بيعزف نغم حسون عزفاتو
وزنود مثل الشمع بيضا ومفتولين
ورمان كرمك حلي حلوين حباتو
جوري حما والحبق والفل والياسمين
عطرك وقت ما لفت ع الكون نسماتو
لملم عطوره وهرب كنو بفصل تشرين
وسالت ع خدو زعل يا روح دمعاتو
وقفو نجوم السما من السحر مذهولين
والبدر غيره طفا وعتم ع نجماتو
وشمس البريه الصبح قهر اختفت تخمين
ذابت بسحر الثغر وبطيب بسماتو
==== محمود شبيب ====
ليست هناك تعليقات:
إرسال تعليق