(الحلو.. دا)
،،،،،،،،،
الحلو دا من حينا
طول عمره ساكن جنبنا
معرفش ليه ساب حتته
مع انه كان بيعزنا
الحلو دا من حينا
انا من زمان كنت اعرفه
يدخل مكان بيشرفه
ومره غاب ما اعرفش ليه
زود كتير من غلبنا
الحلو دا من حبنا
يمكن اكون مشتاق اليه
او عيني راح.. تطلع عليه
طيب وما بيسآلش ليه
ما يجي ويعيش وسطنا
الحلو دا من حينا
انا قلبي بانت فرحته
وهو ماشي ف. سكته
بسرعه قلبي مال عليه
بطرف عينه غمز لنا
الحلو دا من حينا
بصيت لعينه لمحتها
والفرح طالع منها
شاورتله انده عليه
لقيته جه كدا عندنا
الحلو دا من حينا
عرف ابويا وعمتي
وباس كمان ايد جدتي
وقال خلاص انا جاي لكم
وعايزكوا ترضوا عننا
الحلو دا من حينا
ابويا رحب به كتير
قاله ابوك راجل امير
من بكره هات والدك معاك
ونقعدوا هنا كلنا
الحلو دا من حينا
فرحتنا تمت وبسلام
والليله دي كانت تمام
وشكرت والدي وعمتي
وربي جمع شملنا
الحلو دا من حينا
(بقلمي.. أحمد السبكي).. مصر
ليست هناك تعليقات:
إرسال تعليق