..ويبقي الشعر .. وائل مسلم ..
انا اكتب إذن انا موجود
وان يوم رحلت عند رب الوجود
كلامي يمكن بإذنه ينكتب له الخلود
باكتب خواطر ومقال وده عند اللي يفهم له مرود
ممكن أخطئ وممكن أصيب ما أنا بشر مسيري في يوم للتراب وياكلني الدود
بس حبي للناس والخير ماله حدود
اتعلمت في بيت الاصاله والعراقه أن الطيبه نابعة من الجدود
ابويا قال ليه زمان الكلمه الطيبه صدقه وخيركم من بالصدقه يجود
بحب وطني واكتب فيه شعر وخواطر وقلمي هو سلاحي اللي بيه وقت الشدة ازود
كوني دائما مع الله ولا اخشي في الحق لومة لائم ولا يهمني من حاقد حسود
واللي مع الله بيكرمه ربنا المعبود
كتبت شعر وخواطر في حب الوطن وحب الال وفي الجمال اعشق العين والخدود
وأذكر ربنا في كل وقت وكل حين واقول يا ودود
واحب سيدنا النبي وكل الال والاولياء ما انا مسلم وليهم الأصل يعود
واسمع كلام مدح لا يغرني ولا ألتفت لكلام النمام اللي عامل زي طلق البرود
واللي يقدر معني الكلمه واللي يقدر الاصل الطيب حبه في القلب بيسود
كوني مع الله ده يديني الشجاعه اني أواجه في سبيل الحق اي شخص حتي لو اسود
واللي مع الله و بفضل حب الرسول والصلاة علي النبي الزين الخير عليه بيعود
ماشي في الدنيا علي فيض الكريم وبدعاء الوالدين أخطئ حواجز وسدود
والرضا من رب العزة هو الكنز اللي ملوش حدود
.. بقلم .. وائل عاطف مسلم .. مصر
ليست هناك تعليقات:
إرسال تعليق