قصيدة *حكاية جميلة ..وإنسان طيب*
تأليف /شروق العليمى
حكاية جديدة وإنسان طيب
حسيته بقي من قلبي قريب
والله ما اعرف فين وازاى ..؟
علي فين رايح ومنين جاى ..؟
جالي ومعاه الدنيا في إيده
آل ايه الحب عارف مواعيده
قاللي معايا عيشي واتهنى
واوعي تضيعي في يوم تانى منى
قاللي الجنه هتبقي معاكى
وارمى هموم الدنيا وراكى
قاللي كلام وكلام وكلام
قاللي الواقع مش أحلام
قولت خلاص ابدأ وياه
واصدق كل كلامى معاه
عدوا يومين والتالت لسا .....
هصدق كل حروف القصة
سمعت زمانى بينده تانى
فوقي جراحى معاكى وحشانى
لقيتنى وحيده في دنيا بعيده
سألت زمانى .......
ليه عايز قلبي يعيش وحدانى...؟؟؟
فقولت لازم أكتبها قصة
لقلوب مفارقه أو جاية لسا
وكان عنوانها ........اختارته في ليله وعمر قريب
حكاية جميلة وإنسان طيب
ليست هناك تعليقات:
إرسال تعليق