غير سير ؤكان...
غير سير ؤكان...
ويلا تكدر حالي وشيان ........... آش المعمول
لمزاج مثلو مثل الريح ...............يطير العقول
باش نفاجي الخاطر ................حالي مضيوم
مجدوب بوهالي .....................ساسي مهدوم
الناس فهواها .................وانا هوايا شي اخور
جيبولي لقلم ودوايا .....................نرسم بابور
بغيت نوقع هنايا ........................نقطع البحور
ماني هبيلة ولا نص عقل .......... بالي مشطون
لحروف تبكي معايا حارا ..سيدي بارد وسخون
يا عيني بكي وزيدي بكي ....لعوام مرت هموم
ويا خوفي من قسوة القلوب ......جردت سهوم
رشقات دواخلي ما بقى قول ...........ما بقا لوم
و لي فضلتو عليك يا راسي ...........تعلم يخون
والصديق لي كان فالحزة حزام .....رخف لمتون
ما بقات خاوا ما بقاو احباب...يا عيني ويا شوم
تسحرتي يا راسي باوهام ........ما تعلمتي عوم
هادي دنيا لا تيق فيها لا دير لامان ....عافر اليوم
غير سير ؤكان...
غير سير ؤكان...
بقلمي فوزية بعبوع النجار التازية
18 يناير 2018
ليست هناك تعليقات:
إرسال تعليق