قصيدة التواضع شعبي عراقي بقلم محمد الكوامي
مو صوج النخل
جي عثكه عالي عليك
صوج ايدك كصيره
وانتهً مو صاعود
ارضى بقسمتك
لتظل تشمر حجار
خل عندك قناعه
وهيه مو فرهود
لتصغر شخص
بعيونك الضيكات
أهي مو بالكبر
بكهً اكتلت نمرود
لاتغتر جذب
ضنك ملكت الكون
دوس اعلى الارض
لتطير يامكرود
دوم احجي الصدك
وصفيها نيتك دوم
لتدور الجذب
درب الجذب مسدود
يظل بس الأثر
وعلومك الطيبات
وكل هذا الجسم
وجبة عشى للدود
ليست هناك تعليقات:
إرسال تعليق