بكلمة من جواها سألت قلبها
ليه نفترق..أنا عايزاك إنت
إنسى اللي فات وإرجع لي أو آجي معاك ..ليه نبتعد والدنيا إنت
قالت له
مش بااطلب أكون صورة بتهرب من العيون
أنا كنت جنبك باأتحرق وعليك باأهون
قلبي الضعيف نساني إنك من البشر
بعد الوصول قلبك غدر
إزاي يكون قلبك حجر؟!إزاي
إزاي تبيع كل اللي فات..ومابينا أحلى الذكريات
وإنت الكلام وإنت السكات وإنت القدر.. إنسى السفر
بسهولة رد وقال كتير..في كلامه كان نفس الخبر
هيغيب ويبعت بس إيه
جنيهات كتير وإيجار حجر
في لحظة وقعت منها كل الآمال
صرخت بصوت مكتوم بيبكي من زمان
لكن خلاص فات الأوان
والصرخة كانت بعدها من حزنها صرخة ألم
أميمة فرج
مستلهمة من مواقف فيلم الخيط الرفيع لسيدة الشاشة العربية
ليست هناك تعليقات:
إرسال تعليق