_____________
أبجيك .......
يالما الك جيه
واحن حنين النوك يوميه
أشم هدومك ....
تظل عزيز وغالي عليه
اساهر الليل انطر دروبك مو بديه
ودمع مثل الجمر شوك وحنيه
وجروح من فركاك.....
تنزف ولا تهيد أذيه
وعمت عيون الماتشوفك ولاتصبح بيك يوميه
منشار......
حز القلب جلمة الوداع واصفك بديه
ردت وياك اكظي العمر
حلوه ومره وهاي هيه
بعدك........
راح اظل اتوجه على جروحي
وبلا جلمة وداع روح يا الما الك جيه
حرامات.........
أزرع طيب بكاع صبخيه
وحرامات انثر هيل بصحرى مابيهه ميه
اصبر الروح......
وادري بعد ما الك جيه
ويظل بستان عمري لك تكعد بفيه
واظل الك مرهون
احظن الصوره كل شويه
واشم هدومك
ودموع تجرح لخدود يوميه
حتى الشمات........ تبجي على حالي كالت خطيه
مفارج عزيز الروح
راح وبعد ما له جيه
مساهر طول الليل
ادك والطم بديه
وتبرت كل الناس
وشحت عنابير الحنيه
مودع الله ......
أبجيك يالما الك بعد جيه
قلمي
الشاعر والأديب
خضر عباد الجوعاني
العراق
ليست هناك تعليقات:
إرسال تعليق