خاطبني شعرا فقلت
وَك قَلبَك بيتحَمَل سُكْر العنقودْ
ورَشفِتوا
ولا نَهدات الخدود
والحب والوشوشة ولمزتوا
لك إذا إجِتْ بها الليل
ومن بعيد غمزة غمزتوا
راح يصرخ من ميل لميل
يتمنى تحت لسانوا حصوتو
لو صبيت قداح قداح
راح اتظل انت البحر
وهي سلسبيل النبع وجرتوا
لو كنت انت البحار
هي الشمس ولجبينك غمرتوا
لو كنت فارس مغوار
هي حملت هالسيف وعالساحة جرجرتوا
لك يا شاعر يا فنان
يا لبتغني لحن الصيف وسطوتوا
خليك شوي إنسان
ومشي معي عاهادرب وقسوتوا
وبريشتك الكلٌا حلا علِّي النغم
خلي الليل يجن برقصتوا
مجدولين الجرماني
ليست هناك تعليقات:
إرسال تعليق