انتى فين
*******
بتمر أيام وليالى
وأنا ليلى ونهارى خالى
من قلب وحبيب يهنالى
أتمنى لو يوم ألقاه
وأنا طاير فى سمايا العالى
سما صافية ولا فيها غيوم
ببراءة ولا ليها وجود
فى الدنيا المليانه شرور
بحلم بحبيب يهوانى
على طول جنبى محاوطنى
فى فرحى وفى حزنى معايا
ولا يهنا إلا برضايا
ولا عمره يجرح ويخون
ولحبى يحفظ ويصون
ويكون شمسى اللى تدفى
والضله اللى تجفف عرقى
لكن باين أنها أوهام
ولا ممكن عينى هتنام
علشان مبقاش فى العالم
حد مقدر اللى بيتقال
وهيمر العمر وأنا بدور
على طيف عمره ما هيبان
بقلم/ مها ندا
ليست هناك تعليقات:
إرسال تعليق