...............
وهبتك لك عمرى وسنينى
سقيتك من بحر حنينى
بأرضك زرعت شجر الوداد
بأرضى طرح شوك جرحتينى
كان طرحك سكة البعاد
ركبتى وحدك قطر العناد
جرحك نزف قلب الوداد
ريح غدرك لشطك بعدتينى
ليه بعدتى عنى وروحتى
فى هجرك عمرك مارتحتى
حتى سكتك تاهت منك
لا رجعتى ولا روحتى
بقيتى معايا مش فارقه
مهما تطول بيكى الفرقه
كنت فى حلقى شارقه
عطستها بحرقة دمعت عينى
صبحنا على مسافة واحدة
طريق العناد كنتى واخدة
مفيش حاجة واحدة ترجعنا
بأساكى أتعودت على الوحدة
بعصاالهجر رفضنا الخضوع
اخترنا طريق مفروش بالدموع
قلوبنا من الفراق بتلوع
مفكرناش مرة فى الرجوع
وبقى ممنوع ببالى تجينى
.....
بقلم..الشاعر
الأمير _محمود
ليست هناك تعليقات:
إرسال تعليق