لما تقوللى ايوه بحبك
بالاقى نفسى اتغير حالى
والاقى الدنيا لفت بيا
وانسى الدنيا واعيش ف خيالى
ولما بتبعد تبعد عنى
كل ليالى الفرح يا غالى
ولما يقرب طيفك منى
ب انسى ف لحظة هجر ليالى
لما تقوللى ايوه بحبك
فرض عليا احبك اكتر
وتزيد لهفة قلبى عليك
ونظرة عينى ليك بتعبر
ويتوه قلبى ف سحر عينيك
والاقى البال مشغول بيفكر
لما تقوللى ايوة بحبك
بالاقى الدنيا بطعم السكر
لما تقوللى ايوه بحبك
فرح الدنيا يبان ف عنيا
وافضل امنى النفس بقربك
واعيش ليك ايامى الجاية
وافرح بيك وبطيبة قلبك
ونعيش ليالينا هنا وحنية
ولما تقوللى ايوه بحبك
هيكون حبك فرض عليا
مجدى زيادة.
ليست هناك تعليقات:
إرسال تعليق