طال غيابه فغلبها الشوق وخافت من ان تقل عزيمته ان هي ارسلت بطلبه من ساحة التحرير. ف إعتنت له،
يمه رغم الشوق فرحانه انه بيك
وانه اكلك لا تجي انه اعتنيك
فرحتي تعبي التعبته مو بلاش
وابد ماضاع الربه يوليدي بيك
يمه بالحرية اسهر لاتنام
جازي سهري الي سهرته انه عليك
يمه لاتنطي الضهر ..لاكي الرصاص
واليطيح من خوتك شيله بديك
يمه فل لثامك وشع بضواك
الله جامع شمس ☀ وهلالين بيك
يمه اريدك بالعلم تلف شهيد
ولا تطخ راسك وظالم يعتليك
خل اشمن شاربك بي عطر ابوك
وعطر أخوتي ال إلهم الثلثين بيك
يمه أخيتك ..كلمن تهلهل وراك
ولاتقصر ويه كلمن تنتخيك
يمه هذا عراقنه ..اليسوه الحياة
وبالقلب وحده يظل ماله شريك
قلمي يحكي بلسانها ..عن الام العراقية اتكلم
ليست هناك تعليقات:
إرسال تعليق