الحصار .. رواية / رضا الحسيني
(6)
.... داخل مجلس الوزراء تحول المكان لخلية لاتتوقف فيها الحركة .. لاتمر دقيقة بدون شيء جديد يتعلق بووهان والمصريين اللي فيها .. حتى حدث هذا الاجتماع بين رئيس الوزراء ومجموعة الأزمة .. كانت المائدة المستديرة تعبر عن التواصل الجميل بين كل الجالسين .. تواصل بين عقولهم ورغبتهم في فعل أحسن حاجة .. وكأنما الأمر تحول إلى سباق في الإبداع
_ النهاردة مش هنخرج من هنا غير واحنا متفقين هنعمل إيه بالضبط من الآن وحتى مرور 14 يوم بعد عودة ولادنا من ووهان بالسلامة
_تمام يادولت الرئيس .. بالنسبة لينا كوزارة طيران إحنا ابتدينا حسب توجيهات سعادتك بنجهز دلوقتي الطيارة اللي هتتسع لأكتر من 350 راكب
_ بتجهزوها إزاي يامعالي الوزير .. عاملين حسابكم فيها على إيه
_ سعادتك إحنا بنجهزها بالتعاون مع وزالصحة من حيث التعقيم والأجهزة الطبية اللازمة .. وعاملين حسابنا لوبين ولادنا حد حامل
_ لحد الآن عرفنا إن بينهم 5 حالات حمل ..
_ إحنا مجهزينا نفسنا لعدد 10 حالات حمل سعادتك .. وكمان أكيد فيه عدد من الأطفال ومجهزين لهم بعض الهدايا من الألعاب ..
_ وأحنا دولت الرئيس بنهتم في الطيارة نجهز طقم طبي متكامل بكافة التخصصات زي النسا والتوليد والاطفال والباطنة والتخدير والتعقيم والجراحة
_ فعلا سيادة الوزيرة ولادنا اكيد هيحتاجوا أغلب التخصصات معاهم على الطيارة
_ وكمان بنجهز معاهم كافة الاحتياجات الطبية حتى لبن الأطفال .. حتى البمبرز ..
_ برافو يادكتورة .. احنا لازم نعتبر نفسنا اللي هنكون في الطيارة دي ..
_ وبنجهز حسب تعليمات سيادتك يادولت الرئيس مستشفى كامل في أنسب مكان ببلدنا بحيث تكون شبه معزولة و نقدر نتحكم في حصارها وده أمر مهم جدا يافندم
_ طبعا يادكتورة .. وده دور المؤسسة العسكرية .. وهما دايما عارفين شغلهم .. اطمني
_ فعلا يافندم احنا ابتدينا فورا من امبارح نطوق المستشفى كويس ونقوم بتامينها عشان نضمن ماحدش يدخل أو يخرج
_ إحنا دايما بنثق في طريقة أداء المؤسسة العسكرية .. إنتم دايما عند حسن الظن بيكم
_ إحنا كوزارة تموين يادولت الرئيس ابتدينا بالفعل نجهز مكان إقامة ولادنا طول ال14 يوم بكل مايلزمهم من مستلزمات المعيشة واتأكد دولتك مش هيحتاجو حاجة أبدا لحد مايخرجوا بالسلامة من المكان ده .. والميه يافندم فيه شركة مياه معدنية متبرعة بكل ماهنحتاجه
_ ياسيادة الوزير أنا واثق جدا إن معاليك لايمكن هتقصر .. ومتوقع منك مفاجأت كتير
_ ههههه أكيد يافندم حضرتك متوقع إن كل مستلزمات إقامة ولادنا متبرع بيها شركات كتير .. بلدنا يافندم فيها دايما رجال أعمال وأهل خير بيتسابقوا لعمل الخير
_ برافو يامعالي الوزير .. انت عارف سيادة الريس بيهتم كتير بدور الناس دي
_ هههههه ماسمعتش صوتك يامعالي وزير المالية .. إوعى تقول مافيش فلوس
_ لالالا يافندم أنا عندي تعليمات واضحة من سيادة الريس إني أوفر كل الاعتمادات اللازمة وبأسرع وقت .. اللي مش هيعملوه رجال الأعمال هيكون جاهز من عندنا ..اطمن دولتك
_ واحنا يادولت الرئيس كوزارة سياحة اتفقنا خلاص مع مكتبنا في ووهان على تجهيز عدد وافر من الباصات اللي هتنقل ولادنا من بيوتهم لحد المطار وجاري التنسيق مع سفيرنا هناك لترتيب الأمر كله
_ فعلا أنا أجريت اتصال بسيدة السفير وهو ورجالته شغالين على حصر دقيق لعدد ولادنا هناك وعمل احصاء للأسر والحوامل والاطفال ولو معاهم حد من كبار السن
_ فيه أمر مهم يادولت الرئيس
_ خير يامعالي وزير الطيران
_ تكلفة الطيارة .. مااتكلمناش فيها خالص
_ تكلفة إيه يامعالي الوزير .. سيادة الريس أمر بكل التكاليف على نفقة الدولة .. دول ولادنا في أزمة طارئة وواجبنا نكون جمبهم
الى اللقاء مع الحلقة (7)
ليست هناك تعليقات:
إرسال تعليق