&المهرة&
دخلك يا مهرة على ميلين ميلي
والبسي أحلا تيابك واتزنري پ نيلي
افردي شعرك المجنون الحريري
وكوني أحلا نجمة بسماي وكوني قمر ليلي
خبي غمازاتك الحلوين لا يعشقك غيري
وخبي عيونك الخضرة ياام عيون كحيلي
الكفوف محناية والبسمة محلاية
والشفة حكاية الشكوى لالله هديتي حيلي
يا قمورة يا غنوجي يا صغيري
خافي ربك يكفي دلع ودلال يا جميلي
شلال عطرك سرى بمواويلي
وبعدك حلوي وكربوجي وبعدك اصيلي
بعدك الحب و قصيدة الشعر
وبعدك أحلا الوردات يا بنت جيلي
ضلي الفكرة وابقي الذكرة والزيت بقناديلي
ضلي عطري و العبق وابقي تاجي واكليلي
سفير السعادة✍️
محمد عمر حج حمود
مـــــــحــــــمــــــــد }m{
ليست هناك تعليقات:
إرسال تعليق