الجدع نحييه
يا وردعلي الاغصان ... نورت البرلمان ... كنت فين من زمان ... انتخبناك واخترناك وعشمنا فيك كبير لانك راجل انسان ... راجل في الحق بعزم حديد ... وبفكر جديد نورت البرلمان ... يا نائبا يا غالي دايما في العالي ... لبيت حاجة الغلبان ... وعلشان كدة اهل الدايرة انتخبوك ودة لانهم بيحبوك ... ولانك نائب حر واصيل بفكر ملوش مثيل ... واعمالك في الخير دليل ... راجل شريف محفوظ بعناية الرحمن ... نائب للجميع ومديت ايد الخير للاهل والجيران ... نقدم ليك التحية لاحسن واشجع نائب في البرلمان ...اللي حاسس بحاجة المواطن الغلبان ... خدمات كتيرة قدمتها من قبل دخول البرلمان ... ولانك قدمت الخير من زمان ... للمحتاج والمريض اللي عايز يحس بامان ... خدمات واضحة للعيان وشيفها كل انسان ... كنت فين من زمان ... النائب الحر الشجاع في الاستجواب اللي ميهماش في الحق من اي كائن من كان ... يا جدع في الحق لانك من بلد الجدعان ... عندك ضمير وشرف واخلاق الفرسان ... ودة طبعك العطف والحنان علي كل انسان ... وشغلك الصح في البرلمان ظاهر وواضح وامام الجميع بان ... يا زهرة المجلس والاخلاص في طبعك مش محتاج بيان ... راح ننتخبك دورات كتير لاننا لمسنا فيك الخير ... والخدمة بتعملها لكل انسان ... متواضع مش محتاج منصب او هيلمان ... يارب دايما في تالق ونجاح باهر علي مر الزمان ... مشرف ديرتنا ومن الخدمات عملت كتير والكل فيك عشمان ... ولما اشوفك ابقي بيك فرحان ... وهتنجح كمان وكمان ... تحية للنائب الانسان ...النشاط والحيوية دة طبعك ... وخدمات واضحة وافعال خير في السر والعلانية ...يا فرحتنا بنائب ديرتنا ... واحسن نائب في نحيتنا... ولانك اجدع نائب في البرلمان ... ولانك ابن البلد وفيك اخلاق الجدعان ... من نجاح لنجاح يارب تزيد ... واحنا معاك الايد في الايد ... لانك مثال المخلصين جوة البرلمان ... وليهم انت مثال ... وبنحبك وعاملين ليك في قلوبنا من الحب تمثال ... لان جهودك تفوق الخيال ... وتحقق لاهل ديرتك المحال ... وحبك في قلوبنا غالي ... بنحييك بورد وفل وريحان ...تحية من القلب كلها امتنان ... ولكم الشكر وجزيل العرفان ... يا منور المجلس وصاين المكان ... طبعا كلامي اعتبره احلام بس يا ريت يكون النائب ده في الحقيقه موجود ... مش عايزين نائب مصالح ... ونشوفه من السنه للسنه ويكون مش صالح ... عايزين بجد نائب بدون مصالح .. يكون همه علي بلده مش مصلحته ... ساعتها أهديه سلامي .. واقول له احلي كلامي .. بادعي ربنا يكون في بجد نائب ينطبق عليه كلامي ...
وائل مسلم .. كاتب وشاعر
ليست هناك تعليقات:
إرسال تعليق