نص بالعامية بعنوان(سعادتك قرار)
بقلمى/حنان العجمى٢٠٢٠/٨/٢٨
سعادتك قرار لا تِتْعَب ولا تحتار
غيرَك اختاربِقُوَّة وما انهار
قلبَك لِيه تعَذِّبُه مع حَدْ بيِبعِدُه
بِإيدَك تِنجِدُه ما عاش مِنْ يِستَعبِدُه
قَرَّب مِنْ صَانَك ابعِد مِنْ خانَك
مِنْ خاف عليك يحضُنَك يراعيك
يكون غَطاك دَفَا لياليك
ما يِبعِديوم عن عِنيك
إن اشتقَت يِحِس بِيك
إنتَ نَجَاتُه ف غُربِتُه حكايتُه ودُنيتُه
تمسَح دَمعِتُه تنَوَّر بَسمِتُه
يكون لك روحك نَغمِة بُوحَك
طيفَك خَيَالُه ما ترُوح عن بالُه
يفرَح لفَرَحَك يحزَن لزَعَلَك
تكون أَنيسُه تكون جَليسُه
إنت أملُه وطموحُه طريقَك طَريقُه
حافِظ كلامك دايْماً أمانَك
عَنَّك ما يخَبِّي أسرار
حياتُه واضحة نهار
يحميك من الغدر
حضورُه لروحَك بَدر
سعادتك ف قُربَك لرَبَّك عبادتك
تكون راضيَة نفسَك
تلاقِي إللي شَبهَك
ملامحُه تكون ملامحَك
ضحكِتُه ترسِم إسمَك
بقلمى الشاعرة/حنان العجمى٢٠٢٠/٨/٢٨
ليست هناك تعليقات:
إرسال تعليق