(السيرك بنا اتنصب )
دنيا ميزانها اتقلب وشفت فيها العجب
والدنيا وخدانا لسيرك فيها اتنصب
وتعالى يافندى يابيه وشوف معانا العجب
طيب ينداس عليه من اخ لزوجته اتركب
واخ بايع اخوه لمال ولاتفه سبب
زمنا العيب مش فيه هو الشيطان الى فوقنا ركب
ام حنانها الابن بيشتر يه وابن الحنان عنه اتحجب
لا أم تواسى فيه والهم عليه انكلب
دنيا ياسيدى البيه السيرك فيها اتنصب
قرد وعامل بيه حقه من دم الغلابه شرب
وفقير منداس عليه والهم فى كاسه انشرب
وابن مضحوك عليه وكل حاجه عنده بتنشر ب
غايب عن الدنيا يابيه والسيرك لسه بيتنصب
والبنت باعت جسدها للي دفع وزاد فى الطلب
والام باعت ضناها لما الميزان بينا اتقلب
والتانى بايع كليته والدنيا عرض وطلب
واخينا بايع دنيته لما لقاها بتنخرب
وعدو قاعد وسط الظلام مبسوط بالسير ك ال اتنصب
بقلمى فهمى محمود حجازى
ليست هناك تعليقات:
إرسال تعليق