الأحد، 12 نوفمبر 2017

مجلة ملتقى الشعراء والأدباء // ياطير الشوق // بقلم المتألق وسيم صالح

............ياطير الشوق

. ياطير الشوق  مر  صوب  الحبايب
. وصل سلامي  للاهل   وللقرايب
. وقلن عا بعدكم  ختير   هالقلب
......وسكنت  فيه  المصايب......

.. روح  وفرفد  جناحك  فوق  الغوالي
..  وبوس  عيونهم  وجيب رد  لسؤالي
..وقلن رغم الهجر صورتهم ماتفارق خيالي
....طمني عن حوالهم وطمنهم على حوالي
..وقلن  اشتقت للضحكات
........اشتقت  للسهرات
اشتقت  للفنجان لكان يجمعنا
اشتقت للقعدات تحت الدوالي

ياطير الشوق طمني على الخلان
كيف احوالهم ووين  وداهم  الزمان
سلملي  عالعصافير
............بوسلي  هداك البير
..................واسأل عن  الجيران
طمني ع خلف التين
عن المشمشة ليش زهرا حزين
وليش دبل زهر الرمان

آآآه  منك يا هالزمان
خبرني ليش مات الحب
وليش ضيعنا العنوان
فهمني شو صار يا انسان

وسيم صالح
16/5/2017

ليست هناك تعليقات:

إرسال تعليق