.............الشب الفقير. ...........
شايف حالو بسمارو هالشب كتير
طول وقد بجمالو مقدر تقدير
مايهمو شو عبالو مصور تصوير
بيطلعلو يشوف بحالو الشب الفقير
لما بيخطر عبالو يطلع مشوار
براس الصبايا والله بيعمل دوار
بيرفع راسو وبيمشي متل الاعصار
بيحرق قلب العذارى يشعلها بنار
بيمشي يا عيني هوي متل الامير
بتضحك امو وتقلو بحفظ القدير
بنات الحارة بيجتمعو عليه طوابير
وقعو بغرامو والله بلا تفكير
يا امي عيني هوي محلا طولو
قطعة من الجنة والله عم بيقولو
كل الصبايا حولو عم بيجولو
عملو كتير وما قدرو يوصلولو
الشب الغني يا امي دوما خطير
مال وجاه ومصاري بلا ضمير
بدي اعشق يا امي الشب الاسمر
كلو نخوة وشهامة لو كان فقير
بهديها لابني الغالي( زين العابدين)
الله يحميه ويحمي ولاد الجميع
وسيم عدنان صالح
1/12/2017
ليست هناك تعليقات:
إرسال تعليق