قصيدة/ شئ خُرافي - عاميه - مجتمعيه
بقلم/ حسين الدسوقي - لعام - 2017
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شئ خرافي فوق كتافي
حمل اتقل من التقيل
نيه بيضه وقلب صافي
كله هم يا مين يشيل
نوري نور بس طافي
وشمعي قايد ملوش مثيل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جرحي زايد حبي فايض
وكل مره ليا عايد
من القلوب جرح وجديد
كل يوم همي يزيد
كاني صخر او حديد
قلبي مليان بالصديد
بس النهارده لازم افوق
هاعيش حياتي وحلوي ادوق
هرفع رآياتي فوق ضفافي
هخلي حبي ف قلبي خافي
لو كل شئ أصبح خرافي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شئ خرافي وياريته كافي
او مكفي نفسي تصفي يادنيا مره
وتحلي عيشتي بدل ما مره
وتبطلي تجيبلي جره
جوه حيط تلبسيني
ترشي ميه تفوقيني
فجأه افتح نص عيني
مره واحده ألاقيني
جوه زنزانتك وانتي بره
انا حذرتك وانتي حره
دا شئ خرافي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شئ خرافي انك تخافي
من طوافي جوه كعبه
ونش يسقط ايد بتبطش
بياده راعبه شئ يخلي
الخلق تطفش لا بجد دي
حاله صعبه وشئ خرافي
تبقي صافي امي المثال
اوفيفي عبده مين اللي قال
هو الحال اتقلبله حال
او محمد رمضان
يبقي اسطورة زمان
لا دي عجزه او محال
الفن دا اعظم مجال
كلمة حق لازم تتقال
بس مش للدرجه ديه
يادنيا متخفي شويه
كل أملي انك تعافي
مش تخلي كل حاجه
شئ خرافي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مش هردد كلام وقولته
ياكش بس تحسي قيمته
مش هسيبك تمحي حلمي
اللي جواكي رسمته
بلون عنيكي ولونته
ف صخر قلبي وحفرته
هبني سد لأعلي حد
مش هوطي لأي حد
هصنع بإيدي احلي مركب
يا الف اهلا باللي يركب
وجوه رملي يتغرس خطافي
همشي لو فناري طافي
لو كل حاجه شئ خرافي
ليست هناك تعليقات:
إرسال تعليق