♡♡♡ لهفة قلب ♡♡♡
قلت بدي جرب وانساه
بلكي إذا عنو بعدت بسلاه
بعدت عنو بس ما نسيتو
قلبي بقي عايش عا ذكراه
قلت مابدي بقا شوفو
ولاعاد بدي لامس كفوفو
تململ فؤادي وقال مافيي
بعوف الحياة وبس مابعوفو
سمعت قلبي قال مافيي
قربو حياتي وضو عنيي
الله يرضى عليك رجعني
الدنيا ع بعدو ضاقت علي
قلتلو ياقلب كافيني
شربكتني وبالحب راميني
متلك انا ياقلب بدي ياه
وصوت الهوى عما يناديني
*****7/2/2018*****سنان شاويش♡♡♡
ليست هناك تعليقات:
إرسال تعليق