❤"الحب نعمه"❤
مهما يقولوا عنك
إنك بياع كلام
وإنك واد فلاتى
وماشى مع البنات
وكل يوم ف سهره
وممكن كمان تبات
وحياتك تافهه وفاضيه
ومقضيها اشتغالات
عمرى ماهصدق كلمه
دى كلها إشاعات
حتى لو كازانوفا
ودايبه فيك الستات
هتفضل برضه حبيبى
ومالكنى للممات
الحب دا نعمه
بيصنع المعجزات
حبى هيبقى جنه
تصحى فيها وتنام
وروحى هتفضل هايمه
ترويك عشق وهيام
وعينيا عليك حارسه
مش ساعه دى ساعات
وكلامى هيبقى بلسم
يداوى وجع اﻵيام
وقلبى بستان محبه
يطرحلك عطف وحنان
ودى مش مجرد وعود
ولا حاجه كده والسلام
هتشوف دا بكره قريب
هتلاقيه كله بإثبات
وهتحلف إنى عندك
أغلى من الدهب والماس.❤❤❤
#بقلمى#هناء محفوظ
❤H.M❤
ليست هناك تعليقات:
إرسال تعليق