كبيرة أنا بالسن وبالقلب طفلة
حياتي بعيشها بمرح تيحلى العمر
بلبس الدني تياب بأحلى حلة
وشو أحلى من الربيع البيجن بالزهر
من العمر بجمع الأفراح غلة
لإني بتحسب كتير لأحزان الدهر
وشو آخد معك ياحب قلي
عيش الفرح وخلاع ملابس القهر
رح قبل ثغور الورد متل نحلة
وخلي الطبيعة تجن وترشرش عطر
واحضن جمال الورد وعبيه بالسلة
تتغار منو وتشتهي مني الغمر
وتعن عبالك من التم قبلة
وقلك اعذرني وتقول أبوك ياعذر
بقلم روووز ملحم ...تحياتي والزهر
ليست هناك تعليقات:
إرسال تعليق