سهل وبحر وشوية جبال
وانهار حلوة تملا هالدني
اشجار خضرا مسيجة وعرزال
وديان كلا شجروصخور ملوني
وسما زرقا عالية ما ابتنطال
نجوم سهرانة وقمر منحني
يملاالدني بالنور وعاجبينو سؤال
ليش الفرح غايب صارلو كم سنة
ما ضويت قناديل ولاحمل الهوا مرسال
من قلوب عشقانة ما عرفت ولدنة
وضاع السؤال ومعه مية سؤال
شو صار شو غيروجه الدني
شو بخبرو،,,, شو بقول عن بلد الجمال
فيها القتل والموت بحروب طاحنة
ضاع العدل ...والحب صار من المحال
والموت ،،ما ترك لا فقير ولا غني
مر الحزن عا كل بيت بلا خجل
ترك اليتامى والارامل ..هجرو العيش الهني
وبالغربة اتجمعو الاحباب والزمن طال
والحزن جمعهن ..وحب الوطن ما الهن عنه غني
كل يوم منقول خلصت الاحزان وارتاح البال
بس هي لعبة الكبار ..سياسة ماجنة
وينك ياوطن ،،ضاعت الصرخة ،، وضاع السؤال
دخلك ياربي ،،رجع لبلادي وجها الحلو وقلبا الكبير وسع الدني
ليست هناك تعليقات:
إرسال تعليق