ذكريات
تذكرت ايام الصبا
والجري فى الحارات
فتحركت احاسيسي
تعيد الذكريات
وماضى عدا علينا ولمة الاخوات
وقلب اخضر جميل
واللعب فى الطرقات
وناس كانت مابينا
والوقتى صبحت سكات
وزرع اخضر وبيتنا
واب فاتنى ومات
هزتنى ذكرى ودمعه
وحنينى للي فات
وسنين مرت عليا
ما كانش فيها اهات
وطفولة جميلة شقية
واحلى الامنيات
وف لحظة لاقتنى
ب ابكى وب افتكر حاجات
و شوق وحنين واخدنى للجده والعمات
والجده عماله تحكى
ونعلى الضحكيات
دى الو قتى انا اللي ب احكى
وب افتكر اللي فات
واتمنى ارجع بعمرى
واعيد الذكريات
بقلمى فهمى محمود حجازى
ليست هناك تعليقات:
إرسال تعليق