هذه قصيدة بمناسبة عيد الشهداء اهديها لكم ولجمع الشهداء
حوار بين ام الشهيد واختها ويجاوبهم الشهيد من الجنة
. الشهادة
الاخت
يا اختي حاج تبكي لملمي دموعك
ماعاد يفيد البكي ولا النواحي
راح الغالي يا اختي الحنونة
وكتر الدمع ما إلو إفادة
حلت علينا الغيمة الكئيبة
سرقت الفرح وحرمتنا السعادة
مادام الله مقسم الاعمار
لا معارضة لحكم رب العباد
جاوبت الام
يا اختي جاي تلوميني ع ابني
فلذة كبدي وروحي وفؤادي
إإي هي ارادة ربنا وحكمتو
وعلى حكمتو ما النا ارادة
حملتو ببطني تسع شهور وفرشتلو
روحي ومن قلبي عملتلو وسادة
وبرمش عيني غطيتو وحضني
صار مخدتو بعد الولادة
ربيتو ع الشهامة والفضيلة
وحب الخير والصلا والعبادة
وكنت ادعي لرب السما ياخد
من عمري ويعطيه شي سنة زيادة
ربيتو كل شبر بندر رغم الفقر
ليكبر بسرعة وبالعلم ياخد شهادة
ما كنت عارفة القدر رح يخطفو
ويكون موتو هوي الشهادة
قوم استقبل زوارك يا امي
اجو محبينك اليوم يهنوني
رحلت وما ودعتهم يا ضو عيني
ورحيلك يا حسرتي ما لو إعادة
يرد الشهيد من جنان الخلد
من يوم كنا صغار بسنين الهوادي
قطعنا بحورها وجبنا البيادي
تعلمنا كيف بالدم نحمي هالتراب
وكيف نحصد روس العدى حصادي
رحلت عنك يا امي الحبيبة
لطهر بلادي من رجس الاعادي
ولما نادني الوطن يا حنونة
لبيت الندا ودافعت عن بلادي
يا امي نحنا الموت عنا عادة
القصة مو تربية ولا ولادة
مكتوب على جبينا قبل مانخلق
كرامتنا من رب السما الشهادة
ردت الام وقالت
هالشهادة مو الي وحدي يا ابني
هالشهادة كرامة لكل الجياد
مدام بدمك رويت هالتراب
رح اتيمم وصلي وادعي بصوت عالي
الله معك يا ضنى قلبي
وانشالله الف مبروك عليك الشهادة
شاعر الوطن
وسيم عدنان صالح
ليست هناك تعليقات:
إرسال تعليق