.يسعد اوقاتكم غوالي اين هم شعراء الريف
.............الضيعة..............
اشتقت للضيعة ولسهر لياليها
للوديان والتلات ولكل روابيها
اشتقت للزرعات يلي حد البير
ولحكايات جدي لكانت تسلينا
اشتقت للبلوطة ولهاك السنديانة
ل التينة والمشمشة والرمان اللفاني
اشتقت للزيتون وللمعصراني
وللشجرة المطرزة باسامينا
اشتقت لدق الحنطة بالجرن
للخمر المعتق ولهاك الدن
اشتقت للدوري ولابو الحن
ولنسمات الهوى بروابينا
اشتقت للدبات ولنير الفلاحة
للمساس والبيدر والساحة
لجارتنا ام عيون دباحة
لكانت بالفرح تزين ليالينا
اشتقت لصوبية الحطب والنار
للباطوس ولجرة الفخار
وللساموك يلي بنص الدار
ياما تجرحو منو ايادينا
ياربي دخلك تحنن علينا
بشي ساعة فرح تمحي مآسينا
بلكي بترجع لمة الاحباب
ونفيق الصبح عجمعة اهالينا
ربي يسعدكم يا غوالي
اشتقت لكم جميعا
شاعر الاحساس
وسيم عدنان صالح
ليست هناك تعليقات:
إرسال تعليق