من حكايا الليل
( ع الموضة )
عم البسك يا توب ع الموضة
تا بأجمل تيابي تلاقيني
داير ع عطري فاحت الأوضا
وما كنت استهدي ع قنينة
لبقت من نور الشمس بدلي
أحلى من المعروض حسيتا
وجدلت بالاشواق كم جدلي
غرافي ع صدري جد حطيتا
ما عاد يا خياط تلزمني
ما عاد فيي شيل بتيابي
حاجي بحسن الصنع توهمني
عبيت كمشة كذب بجيابي
والسير من جنح العتم سليت
عم اشكرو عرفان معروفو
حتى إذا صرتي بقلب البيت
ضمك لصدري دون ما يشوفو
بقلمي
نسيم ح حنا
ليست هناك تعليقات:
إرسال تعليق