من حكايا الليل
( يا مرايتا)
يا مرايتا عن حالها حكيلي
كيف الحلا بيغنج على كتافك
كيف الرمش والعين قوليلي
كيف الورد بمساكبو ضافك
ولو شافك الريحان خليلي
نتفة عطر ع حفة عطافك
ومن ريقها الحليان عبيلي
نبيد الهنا لو باست شفافك
برهجة المرجان اوميلي
لا تجرحي المرجان لو عافك
هالابيض المزدان قنديلي
سر الضنى لو بين وشافك
يا نسمة العتبان شقيلي
باب الهوى بلمسة طرافك
ويا مرايتا بنفناف اصليلي
نفنافها دبقات نفنافك
بقلمي
نسيم ح حنا
ليست هناك تعليقات:
إرسال تعليق