،،، ورق أصفر،،،
خيفان تكوني متل أيلول
مع انك بقلبي أكبر
قلقان كون ورق مبلول
وصير بعواصفك ورق أصفر
فزعان خريفك يبلش يقول
يمكن بحب غيرك متلك وأكتر
ويصير قلبي عالدرب مشلول
وعلى ربيع أيامو يتحسر
لا ما بظن هيك ومش معقول
نهر حبك وضفاتو تتعكر
وبعد ما كنت اشرب كاسك المعسول
يصير عقلي من همستك يتمرمر
بعرفك اميره وبتعرفي الأصول
الإحترام والتقدير تحت رايتك عسكر
كرمال هيك اغمدي سيفك المسلول
واهمسي حتى القلب دقاتو يتذكر
،،،علي ناصر،،،
ليست هناك تعليقات:
إرسال تعليق