زى الشجر عند الخريف
كل الورق أصْفَّر وجف
متركش خلفه إلا طيف
سنين هاربة مستعجلة
زى قطر خاصم الرصيف
رحلتِ عنى من سنين
مكسور بيموتنى الحنين
حاسس إني فعلا ضعيف
أمي يا غالية انتى فين
الدنيا حطَّت على الحزين
يبات فى عيونه دمعتين
على اللى راح واللى فات
الحنان صار ذكريات
يرحم زمانك الشريف
ويرحم أيام السعادة
لما تصحي الصبح بدرى
تسجدى لله وتدعى
والدعوة من روح العبادة
وتقولى احفظهم يا لطيف
الله يرحمك يا أمي
الف رحمة ونور عليكِ
صاحبة القلب النظيف
علي حافظ المصري
ليست هناك تعليقات:
إرسال تعليق