الفرعونيه
٠٠٠٠٠٠٠٠٠٠٠٠
ياللي شعرك ليل وبتسرح هولك الحبشيه
ياللي كلامك شعر جميل وبتلحن هولك عنيا
يا ام الغناوي النوبيه
ازرعيني فى كلامك وسكوتك
واندهيلي ف احلامي بصوتك
انا هاسمع احلى. اغنيه
يا ام العيون الفرعونيه
انا فرعون وفرعونك.
وقلبي ارضك وكونك
وكونك حببتي تبقي كل شى ليا
يا ام العيون الفرعونيه
جننيني اكتر ما انا مجنون بيكي
وخديني لكون غير الكون
بشرط اكون مع عنيكي
انا خلاص با موت فيكي
واللي هاياخد عزايا هوايا
حنطيني ف تابوت لياليك
حنطيني انا وغنايا
وف معبدك صلي وادعيلي
واندهيلي اجيلك
على انغام ربابتي اغني مواويلك واغنيلك
يا ملكتي يا عشق السنين
انا عاشقك من سبع تلاف سنه
هاتقولي دا كلام مجانين
ماانا مجنون ومجنونك انا
وانا فرعون وفرعونك وقلبي ارضك وكونك
وكونك حبيبتي تبقي كل شى ليه
يا ام العيون الفرعونيه
على عبدالرحيم محمد
ليست هناك تعليقات:
إرسال تعليق