خواطر غنائيه : بعنوان : ( ضيف شرف ).
يا تًقبل الشروط ... لتبقى ضيف شرف .
يا تًوافق على العهود ... يا ساعتها هتتعرف .
أزمه ومن غير سدود ... لا كل يوم حكايات .
م الأخر عايز أقول. ..أنت مقضيها مزدات.
والنقط ع الحروف ... بعدها الكل شاف
فى الشدة هنبقى واحد.
يا هناكل العيش حاف .
بحبح أيديك شويه... ومعدش فيها كسوف .
وهى دى القضيه... معدشى فيها فلوس .
ماضاعت المهيه ... وحكينا كل الظروف.
معاك هتجيب وتصرف . ..وتبان احلى الوشوش ...
هتعمل فقير معذور . هتبقى البعيد مدان.
معاك وبيلزمك ... ممعكش ميلزمكش.
إمشى على أد عوزك .. يا الناس هتبهدلگ
والناس معدتش طايقه. وبسرعه هتكسرك .
الجودة بالموجودة . ده كلام ملهوش حدود
يا تبقى أيدين ممدودة . ونزود السدود .
السيرة والبصيرة . وكلام محتاج لوقفه .
سلمت الأمر ليك. مش ناقصه امم متحدة ..
نقطه وبدايه السطر... هتمشى على رجليك.
ياأما تسابق قطر . ولاحد هيسال فيك ... وتشيل كله بايديك .. وفى وحله هتتوحل .
خليك ديما عصامى . وفى ثانيه هتترحم. ابنى نفسك بنفسك. حط القرش ع القرش حل مشاكلك بنفسك .. الناس عايزة اللى يغش ...
ارفع ايديك لربك . وقول يارب زدنى
بعدها تفوق لنفسك. للناس هتضطهدنى .
فى ناس تبان حبيبه . وهى بتستصغرك. وناس تبان اسود... وتعيب فى منظرك ...
فى ناس تقول أدامك . وناس تقول وراك.
أخد فى نفسه مقلب. وهنكسر قله وراك
طبع البشر قلاب .وفى ثانيه بيكرهوك
و بعد أحضان وبوس .يشتم جدك وابوك
الحب كان زمان . وكبير بنحن له..
جحود نكران وخيبه .ولاشىء بنمن له .
الغدر والخيانه .وصراع نفوس وسوس
والحسرة والندامه لما تفضى الكؤؤس
بقلم محمد عباس معلم الاسماعيليه
ليست هناك تعليقات:
إرسال تعليق